MINDFULNESS EN MUSICA

Durante este ano estivemos introducindo a relaxación e o mindfulness nas clases de música. Foi un recurso para prepararnos no inicia da sesión e tamén para finalizar e rematar relaxados e tranquilos. Neste video veredes algún exemplos das cousas que fixemos. Foi moi divertido, aprendimos moito e sacamos moito partido para usar noutros contextos.

A música e as emocións

PREPARAMOS O DÍA DA PAZ

O día 30 de Xaneiro imos celebrar o Día da Paz e cantaremos unha canción todos xuntos. Aquí tedes a letra de Xosé Neira Vilas e a música do grupo Na Virada para que practiquedes na casa e en clase.

Celso Emilio Ferreiro

Esta é a base musical (pinchade na foto) para o poema de Celso Emilio Ferreiro que imos recitar na escola. É un rap, así que tedes que ler seguindo o ritmo.




A primeira estrofa (cor verde) é para o 2º ciclo, a do medio (de cor azul) para Infantil e 1º ciclo e a última (de cor marrón) para o 3º ciclo. Está estructurada de xeito diferente a orixinal pero é para que vos sexa máis sinxelo recitalo.

Deitado frente ao mar

Lingua proletaria do meu pobo,

eu fáloa porque si,

porque me gosta,

porque me peta

e quero e dáme a gana;

porque me sai de dentro,

alá do fondo

dunha tristura aceda

que me abrangue

ao ver tantos patufos

desleigados,

pequenos mequetrefes

sen raíces

que ao pór a garabata

xa non saben

afirmarse no amor

dos devanceiros,

falar a fala nai, 

falar a fala nai,

a fala dos avós

que temos mortos,

e ser,

co rostro erguido,

mariñeiros,

labregos da linguaxe,

remo i arado,

proa e rella sempre.

Eu fáloa porque si,

porque me gosta

e quero estar cos meus,

coa xente miña,

perto dos homes bos

que sofren longo

unha historia contada

noutra lingua.

Non falo

pra os soberbios,

non falo

pra os ruíns e poderosos,

non falo

pra os finchados,

non falo

pra os baleiros,

non falo

pra os estúpidos,

que falo pra os que aguantan rexamente

mentiras e inxustizas

decotío;

pra os que súan

e choran

un pranto cotidián

de bolboretas,

de lume e vento

sobre os ollos núos.

Eu non podo arredar

as miñas verbas

de tódolos que sofren

neste mundo.

E ti vives no mundo,

terra miña,

berce da miña estirpe,

Galicia,

doce mágoa das Españas,

deitada rente ao mar,

ise camiño...

Falar a fala nai,

falar a fala nai.

Panxoliñas de Nadal

Xa se achega o Nadal, aquí tedes as panxoliñas que vamos a cantar para que as practiquedes en casa.  Tedes que pinchar en cada un dos cursos para escoitala. Ánimo, xa verás que ven cantas!!!

Panxoliña para Educación Infantil de Mamá Cabra

Panxoliña para 1º e 2º de Mamá Cabra

Panxoliña do Quiquiriquí para 3º e 4º





Aguinaldo de entrada do Quiquiriquí para 5º e 6º

Panxoliña de Malvela